कस्तुरीको चालमा डुल्ने भए नेपाल आऊ ।
स्वच्छ यी आकाश झैँ खुल्ने भए नेपाल आऊ ।
छन् अनेकौँ फूलका बास्ना, हिमालै क्या हिराको
धानका बालासरी झुल्ने भए नेपाल आऊ ।
लेकमा छुर्पी र स्याऊ, ओउल बेँसीमा छ अम्बा
याक चर्ने भेकतिर भुल्ने भए नेपाल आऊ ।
स्वार्थ त्यागी प्रेममा ज्युँदा मुटू नै हुन्छ न्यानो
सयपत्री माझमा फूल्ने भए नेपाल आऊ ।
ताल, खोला, भीरपाखा, चौर डाँडा पीपलूमा
प्रेम, श्रद्धा, भावना हुल्ने भए नेपाल आऊ ।
जेबि जिज्ञासु
नेचासल्यान २ सोलुखुम्बु
सोलुखुम्बु सेवा समाज दक्षिण कोरियाले सगरमाथा दिवसको अवसरमा अयोजाना गरेको खुल्ला अनलाइन लेख तथा रचना प्रतिस्पर्धात्मक कार्यक्रम बाट उत्कृष्ट भएका लेख, सस्थाले प्रकाशित स्मारिका २०७९ बाट साभार
