शेर्पा भाषाको चलचित्र टिन्छेन फामा उत्कृष्ट आदिवासी चलचित्र २०७४ बन्न सफल भएको छ । निर्देशक तथा कलाकार आङ ङिमा शेर्पा कुङ्गाले पहिलो पट्क निर्देशन गरेको चलचित्र टिन्छेन फामाले सर्बोकृस्ट आदिवासी जनजाति चलचित्र २०७४ अवार्ड प्राप्त गरेको हो । नेपाल सरकार, चलचित्र बिकास बोर्डले २०७३, २०७४ र २०७५ को एकैपटक तीन बर्षको राष्ट्रिय चलचित्र पुरस्कार तथा दिर्घ साधना सम्मान बितरण कार्यक्रममा टिन्छेन फामाले
सर्बोकृस्ट आदिवासी जनजाति चलचित्र २०७४ बाट सम्मानित भएको हो ।

चलचित्र विकास बोर्डको नोमिनेसनमा पर्न सफल चलचित्रलाई शुक्रबार राष्ट्रपति विद्यादेवी भण्डारीले पुस्तकार दिर्घ साधना सम्मान बितरण गर्नु भएको थियो ।
शेर्पा म्युजिक वर्ल्डको ब्यानरमा बनेको चलचित्रमा शेर्पा समुदायको संस्कार , संस्कृतिमा आधारित छ । निर्देशक तथा कलाकार आङ ङिमा शेर्पा कुङाको लेखन तथा निर्देशन रहेको छ भने आङ कुङ्ग शेर्पा ,छोङ्बा शेर्पा (रिन्छेन) छिरिङ डोमा शेर्पा सोनाम याङ्जी शेर्पा निर्देशक आङ ङिमा शेर्पा समेतको अभिनय रहेको छ । चलचित्र नेपालसंगै मलेसिया अमेरिका हङकङ आदि शहरहरुमा प्रदर्शन भइसकेको छ ।

शेर्पा समुदायको भाषा संस्कार संस्कृति भावी पुस्तामा हस्तान्तरण गर्न अभिभावकको महत्वलाई चलचित्र विशेष महत्त्व दिइएको छ । यो चलचित्रका अधिकांश सुटिङ हिमाली क्षेत्रमा गरिएको छ । चलचित्रको निर्माण निर्देशक आङ ङिमा शेर्पा कुङ्गा ,नायक आङ कुङ्गा शेर्पा ,नायक छोङ्बा शेर्पा र तेन्जिङ शेर्पाले गरेका हुन् ।