कर्मारिञ्जी शेर्पा,रामेछाप संवाददाता शेर्पा सन्चार समुह कार्तिक २० मंगलबार
नेपाल कंग्रेस उमाकुण्ड गाउँपालिका १ नं. वडा कार्यसमितिद्वारा आयोजित शुभ दिपावली तथा छठ पर्वको अवसरमा शुभकामना आदानप्रदान, चियापान,सम्मान तथा विविध संस्कृति कार्यक्रम आज रामेछापको गुम्देलमा सम्पन्न भएको छ ।

प्रतिनिधि सभा उम्मेदवार पूर्णबहादुर तामाङ कान्छा रामको प्रमुख अतिथित्वमा भएको उक्त कार्यक्रममा प्रदेश सभा क का उमेदवार रत्नबहादुर कार्की,उमाकुण्ड गाउँपालिकाको उप प्रमुख उर्मिला कार्की बस्नेत, गोकुलगांग वडा नं. १ का वडा अध्यक्ष मणि कुमार तामाङ,लिखुपिके वडा नं. ५ का वडा सदस्य कान्छीमाया विक ,उमाकुण्ड गाउँपालिका वडा सदस्य कर्मा वङ्छु शेर्पा,ईश्वरी कार्की,सविना दर्जी,उमाकुण्ड गाउँपालिकाको वडा नं. २ का वडा सदस्य दोर्जी शेर्पा लगायत अन्य पार्टी प्रतिनिधि र संघ संस्था प्रतिनिधि सहित लगभग २०० जनाको उपस्थिति थियोे ।

कार्यक्रममा बोल्नु हुदै चुनावको समयमा बोलेको सबै काम पूरा गरिदिने प्रतिबद्ध गर्नुभयो र किरिया हालेर भन्छु मैले चुनाव समयमा शेर्पाको भोट चाहिदैन भनेर बोलेको होइन मलाई आरोप लगाएको छ उहाँले भन्नुभयो । साथै उमाकुण्ड वडा नं. १ का वडा अध्यक्ष र गाउँपालिकाको उप प्रमुखलाई निवेदन चल्याउनु होस गुम्देलमा विधुतको खम्बा दिन्छु भन्नुभयो ।

कार्यक्रम बोल्दै उमाकुण्डको उप प्रमुख लगायत सबै जनाले दिपावली र छठ पर्वको शुभकामना आदानप्रदान गर्नुभएको थियोे । उक्त चियापान तथा शुभकामना आदानप्रदान कार्यक्रममा बृद्ध तथा फरक क्षमता भएको व्यक्तहरूलाई नगदसहित प्रमाणपत्रबाट सम्मान गरिएको थियो ।