शेर्पा किदुग साइप्रसले मृगौला रोग पिडित बुद्धि माया तामाङ र आफ्नो दाया खुट्टा गुमाएका पासाङ शेर्पालाई आर्थिक सहयोग हस्तान्तरण गरेको छ । लामो समयदेखि दुवै मृगौला रोगबाट ग्रसित सिन्धुपाल्चोककी बुद्धि माया तामाङलाई रु ५९ हजार र मलेसियाबाट आफ्नो खुट्टा गुमाएर आएका सोलुखुम्बु नेचाका पासाङ शेर्पालाई रु १७ हजार ५ सय रुपैया शेर्पा किदुगका कार्यवाहक अध्यक्ष् सोनाम शेर्पा र संस्थाका पुर्व उपाध्यक्ष्ँ ल्हमु शेर्पाले संयुत रुपमा रकम हस्तान्तरण गर्नु भएको छ । सिन्धुपाल्चोक भोटेकोशि गाउपालिका मार्मिङ भेमथाङ निवास बुद्धि माया तामाङ विगत एक वर्ष देखि उपचार गरिरहेकी छिन । उनी अहिले काठमाडौको ब्लु क्रश अस्पतालमा उपचार गराइ रहेकी छिन । शेर्पा किदुग साइप्रसको पहलमा रोजगारीका सिलसिलामा साइप्रसमा रहदै आएका रकम शेर्पा किदुग साइप्रसका केन्द्रिय कार्यसमिति तथा साइप्रसमा बस्ने नेपालीहरुबाट संकलन भएको रकम विरामीलाई हस्तान्तरण गरेको कार्यवाहक अध्यक्ष्  सोनाम शेर्पाले जानकारी दिनुभयो । लामो समय सुष्मा कोइराला अस्पतामा उपचार पछि अहिले पासाङ शेर्पा बैशाखीको साहारामा काठमाडौको नारायणथानमा सानो होटल सञ्चालन गरिरहेको छ । उनी अझै पनि उपचारथ छन ।